Një person ka mbetur i plagosur si pasojë e plagosjes me armë zjarri në Shkodër. Ai është shtetasi SYRI Mehmetaj 44 vjeç, në gjendje të rëndë shëndetësore.
Nga të shtënat ai ka mbetur i plagosur shumë rëndë, por ka mundur që të shkojë vetë në Spitalin e Shkodrës. Policia ka shkuar në spital dhe ka sekuestruar makinën e tij tip “Benz” me targë AA031NL. Policia ka konstatuar se mjeti është qëlluar me armë zjarri. Ndërkohë, 44-vjeçari është në gjendje shumë të rëndë shëndetësore. Policia është duke bërë krehjen e zonës ku mendohet se është qëlluar 44-vjeçari për gjetjen e autorëve.
Detajet e policisë:
Më datë 26.12.2016 rreth orës 11.50 njoftohemi se në spitalin rajonal Shkodër është dërguar një person i plagosur.
Menjëherë kanë shkuar shërbimet e Policisë Shkodër të cilët konstatuan se ka mbetur i plagosur me armë zjarri shtetasi S.M. 44 vjeç, banues në Shkodër, i cili ndodhet në gjendje të rëndë shëndetësore. Në territorin e spitalit është gjetur dhe sekuestruar autovetura tip “Benz” me targë AA 031 NL, e dyshuar si e goditur me armë zjarri. Janë ngritur pika kontrolli si dhe po bëhet krehja e zonës me qëllim kapjen e autorëve të dyshuar dhe vendosjen para përgjegjësisë penale. Grupi hetimor po vazhdon veprimet hetimore për zbardhjen e plotë të kësaj ngjarje. (E.K/SHUPLAKA)
Discussion about this post