Ish-Miss Shqipëria Hygerta Sako, e cila prej 19 vitesh është pjesë e botës televizive vjen me një rrëfim ndryshe për jetën e saj private. Gjatë një interviste për InTv Hygerta Sako ka folur për herë të parë për divorcin me të shoqin dhe për mënyrën si e priti e bija e saj, Anais.
“Nuk e pata shumë të vështirë t’ia shpjegoja vajzës gjithë çfarë ndodhi, sepse në momentin që t’i tregohesh plotësisht e sinqertë dhe kur ajo ndjen se është e rrethuar nga dashuria, nuk ka përse të vuaj asgjë. Anaisit nuk i mungon asgjë, pavarësisht se është në këtë lloj situate familjare. E ka dashurinë e nënës, e ka dashurinë e babait, të familjarëve”, tha ajo.
Gjithashtu e pyetur edhe për kurorën si Miss që ajo ka fituar, prezantuesja Sako shtoi se çdo femër do e donte një të tillë. Madje ajo ka komentuar edhe prezantimin që i bëri vite më parë festivalit të këngës së fundvitit në RTSH në krahë të Adi Krastës duke thënë se, “Nuk më pëlqen zëri, më duket si i një koketë”. (J.V/Shuplaka)
