Një sasi e konsiderueshme prej 14.5 kilogramë drogë është sekuestruar ditën e sotme gjatë një kontrolli kufitar. Lënda narkotike u gjet dhe sekuestrua gjatë një tjetër aksioni kundër trafikut të lëndëve narkotike.
Mësohet se sasia e drogës e llojit “Cannabis sativa” u gjet e ndara në 54 pako brenda mjetit tip “Audi” me targa DE 090 AT, që drejtohej nga një shtetas italian. Policia ka kryer arrestimin e poseduesit Lorenzo Pratti 24 vjeç, banues në Itali.
“Më datë 26.12.2016 në Pikën Kufitare në Muriqan, gjatë kontrollit të ushtruar në vijën e dytë në mjetit tip “Audi” me targa DE 090 AT, me drejtues dhe pronar shtetasin e arrestuar, Shërbimet e Policisë kanë dyshuar se në brendësi të mjetit mund të kishte lëndë narkotike.
Menjëhere Shërbimet e Policisë kanë ushtruar kontroll të imtësishëm të automjetit ku u gjetën: 54 pako me peshë 14.5 kg lëndë narkotike e dyshuar e llojit cannabis-sattiva, e cila u sekuestrua në cilësinë e provës materiale”, thuhet në njoftimin e Policisë.
Materialet proceduriale iu referuan Prokurorisë së Krimeve të Rënda Tiranë për veprime të mëtejshme për veprën penale “Trafikimi i narkotikëve”, citohet në njoftimin e policisë. (XH.A/SHUPLAKA)
[ngg_images source=”galleries” container_ids=”399″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post