S’ka vendim për mandatet, KQZ kërkon plotësimin e dokumentave nga Prokuroria

Komisioni Qendror  Zgjedhjeve nuk ka marrë sot një vendim përfundimtar për mandatet  e dy deputetëve dhe kryebashkiakut të Kavajës.

Anëtarët e KQZ-së vlerësuan se prokuroria do të duhet tu paraqesë më shumë dokumente, datat e vendimeve dhe kopjet e vendimet në shtetet e huaja kundër deputetëve dhe kryetarit të Bashkisë.

Ky vendim erdhi pas rreth tre orësh debat, pas kërkesës së Prokurorisë. Kundër këtij vendimi doli nënkryetari i KQZ-së, Hysen Osmani i cili tha se prokuroria nuk ka se çfarë dokumentesh të japë më shumë. Pas vendimit të KQZ-së, Prokurorisë do ti lihen edhe 48 orë kohë për ti paraqitur dokumentet shtesë. Kjo mbledhje pritet të rithirret në datën 29 dhjetor. Sipas kreut të KQZ-së Biba prokuroria duhet të plotësojë dosjen me numrat dhe datat e vendimeve që rëndojnë mbi tre zyrtarët. (E.K/SHUPLAKA)