Fatosja është një zonjë nga Gramshi. Ajo vuan nga probleme të kujtesës. Megjithatë pati një çast gëzimi për të, pasi i thanë të paraqitet në zyrën e shtetit.
”Nisma Thurje” tregon me detaje se si ajo, e lodhur nga jeta, me 4 persona në shtëpi mbahet vetëm me një asistencë të saj.
I shoqi vuan nga një sëmundje e shtyllës kurrizore e megjithatë detyrohet të dalë e të mbledhë shkarpa për t’u ngrohur apo pleh për ta shitur, për të blerë një bukë më shumë.
Gruas i thanë të marrë një shpërblim për Vit të Ri. Kushedi çfarë ka menduar rrugës. Bakllavaja, gjeli, dy kile miell, 2 kile vaj, gjalpë apo ndonjë birrë a verë.
Por ç’të shihte? Një kartolinë dhe një karton. Brenda tij dekoderi i TVSH-së.
Tani Fatosja do të mund ta sfidojë mungesën e teknologjisë së fundit dhe dixhitalizimin, vetëm ka një problem: gramshotja nuk ka televizor. (V.G/SHUPLAKA)
Discussion about this post