Kreun i Departamentit të Arsimit në Partinë Demokratike, Luçiano Boçi ka reaguar për drekën e mësuesve të Kombinatit dhe për atë të sotmen në Kamëz, ku ishte pjesëmarrës edhe minstri Saimir Tahiri, të cilat i konsideroi skadaloze.
“Skandaloze ajo që ndodhi dje me mësuesit e Tiranës e po ndodh edhe sot me ato të Kamzës! Në vend që Rama t’i japë mësuesve shpërblimin e fundvitit, siç i takon dhe e kërkon kodi i punës e kontrata kolektive, u imponon atyre një lëmoshë-drekë me Ministrin e Brendshëm, sipas kodeve partiake. Në vend që t’i lënë pak rehat, të shijojnë së paku pushimet e Krishtlindjeve e Vitit të ri, mësuesit i rreshtojnë me zor, me pjata para, për të përtypur propagandë e fushatë elektorale pa hesap, sipas kodeve të arrogances” u shpreh ai.
Sipas Boçit ministri i brendshëm nuk heziton të pozojë para të gjithë mësuesve, me njerëz të arrestuar vetëm para një viti, sipas kodeve të mafias.
“Të arrestuar, pikërisht për krim ndaj vetë policisë së shtetit e tani të emëruar nga Rama mësues, siç është rasti i fotos me Ermal Myrton. Rama me Ministrin e tij të brendshëm, hapur përqafojnë krimin, promovojnë krimin dhe mbështesin krimin. Rama dhe Ministri i tij janë përkrah Elvis Roshit, Armando Prengës e Ermal Myrtos. Rama dhe krimi janë sot një e të pandarë. Largimi i Ramës, është largim i krimit nga politika”, përfundoi ai. (J.V/Shuplaka)
