Dështimi në sfidën e Superkupës ndaj Milanit ka ngritur shumë pikëpyetje në lidhje me të ardhmen e Massimilano Allgerit në krye të stolit të Juventusit.
Mediat italiane raportojnë se tekniku mund të largohet në fund të këtij sezoni, pavarësisht se kontrata skadon në verën e vitit 2018.
Atmosfera në skuadër nuk duket të jetë shumë e mirë pasi lojtarë si Cuadrado, Manduzik e Dybala janë të pakënaqur me trajnerin nga Livorno.
Juve po mendon për zëvendësimin dhe emrat që po qarkullojnë janë ata të Paulo Sousa, teknikut të Fiorentinës i cili nuk ka raporte të mira me klubin, por edhe ai i Diego Simeones.
Drejtuesit e “zonjës” do të përpiqen që t’ia rrëmbejnë Interit trajnerin argjentinas, duke i ofruar kushte më të mira.
Allegri flitet se mund të marrë drejtimin e Arsenalit në rast se Arsene Wenger vendos të largohet në fund të sezonit. (A.R/SHUPLAKA)
Discussion about this post