Një gazetare irakiane është rrëmbyer nga disa persona të armatosur, të cilët kanë hyrë me dhunë në shtëpinë e saj.
Bëhet fjalë për gazetaren, Afrah al-Qaisi, e cila njihet si një kritike e rreptë e institucioneve qeverisëse dhe e korrupsionit në Irak.
Ngjarja ka ndodhur dje, ku gazetarja është rrëmbyer nga disa persona të panjohur në shtëpinë e saj në Bagdad.
Disa orë para ngjarjes, ajo kishte publikuar një artikull ku shpreh shqetësimin se grupet e armatosura në Irak po veprojnë pa u frikësuar nga ndëshkimi.
Kryeministri i Irakut, Haider al-Abadi, ka urdhëruar forcat e sigurisë të nisin hetimet dhe të bëjnë “çdo gjë të mundur” për ta shpëtuar al-Qaisin. (D.D/Shuplaka)
