Rama në ndarjen e Çmimeve “Bleta e Artë”: Shmangëm rënien në humnerë!

Gjatë fjalimit të tij në mbrëmjen për shpërndarjen e Çmimeve “Bleta e Artë 2016”, kryeministri Edi Rama nuk la pa përmendur rritjen e ekonomisë në këto 3 vite qeverisje.

Sipas Ramës, shqiptarët duhet të ndihen krenarë për këtë model ekonomik që mbështetet tek investimi dhe tek eksportet.

 “Viti 2016 nuk është një rritje e mjaftueshme për një ekonomi si e jona. Për shtresën e varfër ne kërkojmë që impulsi i rritjes të jetë i prekshëm në jetën e përditshme. 3.5% është shumë më tepër se 0.5% kur ishte ekonomia 3 vite më parë. Projeksioni i rritjes së mëtejshme të qëndrueshme është në funksion të objektivit tonë. Duhet të ndihemi krenarë për transformimin e modelit të brendshëm ekonomik. E kthyem në një model që mbështetet tek eksportet dhe investimet.”

Më pas ai shtoi se nga qeverisja e kaluar kishin trashëguar borxhe të akumuluara, të fshehura, dhe një  kolaps energjetik e financiar. Por pavarësisht kësaj, qeveria sipas Ramës ia doli të shmangte rënien në humnerë. (D.D/Shuplaka)