SHBA-Presidenti i ri i zgjedhur i SHBA-së, Donald Trump ka akuzuar presidentin në largim, Barack Obama për deklarata nxitëse dhe se po shkaktonte pengesa në zbatimin e kalimit të pushtetit. Që prej zgjedhjes së yij në krye të shtetit amerikan jo pak herë ai ka qenë në qendër të shumë akuzave. Nga akuza se për të fituar zgjedhjet është ndihmuar nga Tusia, deri te thëniet se ai është I paaftë për të qeverisur janë vetëm disa prej akuzave.
“Po mundohem të jap më të mirën për të injoruar pengesat e shumta dhe deklaratat shpërthyese të presidentit Obama. Besoja se tranzicioni do të kryhej paqësisht. Por, jo!”, postoi në Twitter Trump.
Dy ditë pas zgjedhjeve, të dy figurat e politikës u takuan në Zyrën Ovale duke u sforcuar të linin mënjanë muaj të tërë të një fushate të tensionuar, duke vënë theksin në vullnetin e përbashkët për të ndërmarrë një tranzicion paqësor. Barack Obama që pritet të lërë detyrën më 20 janar, u shpreh para dy ditësh i sigurt se mund të kishte fituar një mandat të tretë nëse Kushtetuta do ia kishte lejuar sërish një kandidim të mundshëm. (E.K/SHUPLAKA)
Discussion about this post