Mungesa e nënkryetarit të komisionit të Urbanistikës, Besnik Aliajt, në mbledhjen e sotme në Këshillin Bashkiak të Tiranës është bërë shkak për një debat mes kryebashkiakut Veliaj dhe opozitës. Sipas këshilltarëve të opozitës Aliaj nuk është pjesë e mbledhjes pasi ai është kërcënuar. Pas kësaj akuze ka reaguar ashpër Veliaj, që e ka akuzuar Aliajn si arrivist, hipokrit dhe njeri që kërcënohet me shuma lekësh.
“Po bëhet një aludim sikur ky është kërcënuar, do t’ja them në sy se me duket hipokrizi pasi merr gjysmë milionë euro për punë publike nga qeveria e drejtuar nga Rama refuzon të vijë në debat, atij i vjen turp ndaj nuk vjen, ai është arrivist. Nëse është kërcënuar do e bëj unë vetë denoncimin dhe t’i ofroj mbrojtje nga kushdo që e kërcënon. Vetëm Aliajt i shkon dëgjesa 24 mijë euro” tha Veliaj.
Sipas Veliajt nëse ai ka bërë më shumë dëgjesa për Shkodrën ai jep dorëheqjen.
“Ju sfidoj, por kryetarja e bashkisë së Shkodrës e nxori me shkelma nga bashkia dhe jeni e njëjta parti por para interesit publik nuk ka. Në momentin që kjo hipokrizi del sheshit, dal unë garant. Por se si anëtari juaj urbanist merr gjysmë milionë ha bukën e qeverisë dhe e pështyn në darkë nuk e kuptoj. Ju jeni ndryshe, e urreni Veliaj, bëni punën politike, por jo si ai” tha ai.
Menjëherë pas pas akuzave të ashpra nga Veliaj ka reaguar Aliaj. Nëpërmjet një postimi në profilin e tij në Facebook Aliaj e akuzon Veliajn si injorant, të pashkollë dhe i kujton paratë e mamit.
“Financat publike jane taksat e qyetareve o tunxh jo parate e mamit tend!!! Dhe gara eshte sfide e jo si pazari yt!!! Dhe jane me shpatull e tru jo me injorance e pa shkolle!!!” shkruan Aliaj.
Ndërkohë më parë Aliaj ka sqaruar edhe arsyen e mungesës në mbledhjen e sotme. “Në kushtet e një qeverisje gati putiniste unë e refuzoj pjesëmarrjen për t’u mos u bërë pjesë e një akti të dhunshëm dhe antiligjor. Në rast miratimi të planit, unë ju uroj sukses në rrugëtimin drejt informalitetit, dhe jap dorëheqjen time të parevokueshme nga çdo funksion dhe angazhim në një këshillin bashkiak që në këto kushte nuk do ishte në gjendje të tejkalojë politizimin dhe dallojë konfliktin e interesave në një dokument me shumë rëndësi për të ardhmen dhe jetën në qytet. Natyrisht do ta vijoj angazhimin tim për qytetin si qytetar dhe profesionist i lirë”, ka thënë ai. (J.V/Shuplaka)
Discussion about this post