Skënderbeu ka filluar kërkimet për trajnerin që do të drejtojë skuadrën në pjesën e dytë të sezonit, pasi për largimin e Agostinelit mungon vetëm deklarata zyrtare.
Trajneri ka ikur në Itali për festat e fundvitit por nëse do të kthehet në Shqipëri, do ta b ëjë vetëm si turist pasi në Korçë vendi i tij do t’i besohet dikujt tjetër që në ditët e para të janarit.
Drejtuesit kanë prirjen që t’i besojnë përsëri eksperiencës së huaj, por këtë radhë asaj të siguruar nga shqiptarët të cilët kanë punuar me klube jashtë kufirit.
Sipas “SuperSport”, dy nga kandidaturat kryesore janë ato të Ardian Koznikut dhe Besnik Hasit, të cilët aktualisht janë pa skuadër dhe në pritje të ofertave të ndryshme.
Sigurisht, po shqyrtohen edhe pista të tjera me trajnerë të huaj, duke shpresuar që këtë radhë të goditet në shenjë. Ndërsa nga Shqipëria, emri i vetëm që për momentin gjendet në listën e kandidatëve në klubin korçar është ai i Ilir Dajës, i cili ka qarkulluar edhe më parë në ambientet e Skënderbeut. (A.R/SHUPLAKA)
Discussion about this post