Këshilli Kombëtar i Territorit miraton 5 planet e përgjithshme vendore për 5 bashki mbështetur financiarisht nga USAID/Albania, ndër të cilat Planin e Përgjithshëm Vendor të Bashkisë Lushnje, Berat, Fier, Kuçovë dhe Elbasan.
Pas miratimit të reformës administrative-territoriale dhe krijimit të bashkive të reja, Ministria e Zhvillimit Urban më shumë se një vit më parë ndërmori nismën për të mbështetur 26 Bashki të vendit me një fond prej 560 milion lekësh për hartimin e planeve për të administruar tashmë territore urbane dhe rurale të shumëfishuara në sipërfaqe.
Pra, me mbylljen e këtij viti numri i bashkive të cilat aktualisht kanë të hartuara Planet e Përgjithshme Vendore shkon në 31. Në Janar dhe Shkurt do të vijojnë miratimet për 26 bashki të tjera të përfshira në skemën e mbështetjes nga Qeveria.
Sipas Ministrisë së Zhvillimit Urban vitin që do të vijë do të përfundojë hartimi i Planeve Vendore edhe për 12 Bashki të tjera, 5 prej të cilave (Malësi e Madhe, Mat, Tropoje, Klos, Vau i Dejës) po mbështeten nga Programi për Decentralizim dhe Zhvillim Lokal i Qeverisë Zviceriane, dhe 7 Bashki të tjera (Pukë-Mirditë; Gramsh-Belsh; Përmet-Kolonjë-Këlcyrë), do të mbështeten nga Ministria e Zhvillimit Urban me fonde të buxhetit të shtetit.
Në muajin Qershor, Këshilli Kombëtar i Territorit miratoi 3-Planet Kombëtare: Planin e Përgjithshëm Kombëtar; Planin për Bregdetin; dhe Planin për Zonën Ekonomike Tiranë-Durrës. (V.G/SHUPLAKA)
Discussion about this post