Herë pas here kanë qarkulluar nëpër media foto të disa të burgosurve shqiptarë, të cilët talleshin me burgjet në Angli duke përdorur kamera në mënyrë të paligjshme. Pas publikimit të fotove të tyre nga portali “Jeta Osh Qef”, autoritetet angleze kanë nisur hetimet dhe kjo histori ka qarkulluar edhe nga mediat britanike më në zë.
“Një hetim ka nisur pasi të burgosurit shqiptarë në një nga burgjet tona kanë nisur foto e video ditën e Krishtlindjeve tek një faqe shqiptare që quhet (Life is Fun) Jeta osh Qef,” e nis artikullin e saj The Sun.
Më pas “The Sun” shkruan se në skandalin më të fundit të thyerjes së rregullave të burgut, një grup shqiptarësh kanë dërguar foto me kamera të futur në mënyrë të paligjshme në një nga faqet online të vendit të tyre.
Prestigjiozja bën me dije se fotot janë realizuar në burgun e Dorset-it, në Angli. Mesa duket ky burg kishte qenë në qendër të vëmendjes edhe para pak kohësh për shkak të ushqimeve të mira si peshk, patate e vodka që i servireshin të burgosurve.
Sipas gazetës, shqiptarët janë dënuar për një kohë të gjatë, kryesisht nën aksuzën për trafikim droge. (D.D/Shuplaka)
[ngg_images source=”galleries” container_ids=”492″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
