Prej disa vitesh tashmë, Gjermania është kthyer në ëndrrën e shqiptarëve. Që në vitin 2015, mijëra shqiptarë morën rrugën drejt Gjermanisë për të kërkuar azil.
Sidomos programi i punësimit ka bërë jehonë të madhe jo vetëm në Shqipëri, por edhe në shumë vende të tjera në zhvillim.
Agjencia Federale për Punën (BA) miratoi paraprakisht, rreth tri herë leje punë gjatë 2016-ës, gati tri herë më shumë refugjatëve nga Ballkani Perëndimor se në të njëjtën periudhë të2015-ës.
Sipas prestigjiozes Deutche Welle, rreth 50.000 shqiptarë, boshnjakë, serbë, malazezë, maqedonas dhe kosovarë patën marrë leje nga Agjencia për të punuar në Gjermani.
Programi i punësimit u zgjodh si një mënyrë për të shpëtuar nga numri i madh i refugjatëve që kërkonin azil, kështu Zyra Federale për Migrimin dhe Refugjatët (BAMF), i refuzoi gati 100 përqind kërkesat e tyre për azil.
Ndër të tjera, prestigjiozja gjermane shkruan se janë pikërisht kosovarët ata që e përdorin më shumë programin e punësimit.
Sipas të dhënave zyrtare, Kosova arriti deri 16400 leje pune të dhëna vetëm gjatë 11 muajve të parë të 2016-ës.
Ndërsa agjencia e lajmeve dpa, shkruan se deri në fund të nëntorit, janë dhënë vetëm 14426 viza pune ndaj qytetarëve të gjashtë shteteve ballkanike. Megjithatë numri i miratimeve paraprake për leje pune, ishte katër herë më i lartë se kaq. (D.D/Shuplaka)
Discussion about this post