Pak para se avioni të ngrihej në fluturim nga Kanadaja, piloti sllovak u kap i dehur në flagrancë.
Ngjarja ka ndodhur në orët e para të së shtunës në Kanada, ku nga Calgary, avioni do nisej për në Kankun të Meksikës.
Sipas BBC-së, në bordin e avionit ndodheshin më shumë se 100 persona.
Anëtarë të tjerë të stafit, vunë re një sjellje të çuditshme të pilotit të Miroslav Gronych, kështu që të frikësuar nga ajo që mund të ndodhte lajmëruan menjëherë autoritetet. Kështu 37-vjeçari u arrestua.
“Kjo ngjarje mund të kthehej në fatkeqësi, por unë do t’ju them vetëm një gjë. Në një linjë ajrore si kjo nuk ka shumë gjasa që një pilot të niset në gjendje të dehur, kjo për shkak të kontrolleve paraprake që bëhen rregullisht”, deklaroi zëdhënësi i policisë Paul Stacey.
Megjithatë duhet theksuar se kjo nuk është hera e parë që piloti në fjalë kapet i dehur përpara nisjes së avionit. Dhe kur një pilot e përsërit këtë duhet marrë ndonjë masë, apo jo? (D.D/Shuplaka)
Discussion about this post