Mediat greke kanë zbuluar detaje të reja nga vrasja e ambasadorit grek në Brazil, Kyriakos Amoiridis, ngjarje për të cilën u akuzuan bashkëshortja dhe i dashuri i saj polic.
Nga vëzhgimi i kamerave të sigurisë, autoritetet kanë zbuluar autorin që fshihet pas kësaj ngjarjeje tronditëse.
Kamerat tregojnë dashnorin e gruas, policin Sérgio Gomes i cili së bashku me nipin Eduardo Moreira bëhen gati për të hyrë në banesë. Ata rrinë shumë gjatë brenda banesës dhe kur dalin, dalin me trupin e ambasadorit.
Sipas autoriteteve braziliane, ata kanë udhëtuar rreth 300 kilometra larg vendngjarjes për të zhdukur trupin, që e dogjën brenda makinës.
Mendohet se edhe gruaja Fransuaz Oliveira, ka qenë bashkëpunëtore pasi ishte larguar nga banesa pikërisht pak para krimit.
Megjithatë ajo e mohon që të jetë përfshirë në vrasjen e bashkëshortit dhe bën me faj vetëm të dashurin.
Ndërkohë nipi i Gomezit tregon se ai është kërcënuar nga i afërmi nësë do të guxonte të tregonte se çfarë ka ndodhur në të vërtetë. (D.D/Shuplaka)
[ngg_images source=”galleries” container_ids=”505″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post