Artisti i madh shqiptar Shkëlzen Doli ka mbërritur në Tiranë dhe menjëherë ka shkuar në Pallatin e Kongreseve, aty ku pas pak orësh nis edhe mbrëmja e madhe gala.
Mbrëmjen e sotme, violinist i njohur do të mbajë koncertin për të cilin janë duke u bërë përgatitjet e fundit.
Koncerti që do të vijë si organizim i “Age Art Production” me kontributin e Ministrisë së Kulturës, OSHEE-së, Ambasadës Austriake dhe Bashkisë së Tiranës, pritet që të nisë në orën 20:00.
Mësohet se biletat për të ndjekur koncertin janë shitur menjëherë që në momentet e para. Biletat e shitura nisin me çmimet nga 50 mijë leka të vjetra deri në 150 mijë lekë. Mendohet që fitimet nga ky koncert pritet të jenë të mëdha krahasuar me vlerën prej 6 milionë lekësh që është paguar skenën në Pallatin e Kongreseve.
Koncerti i mbrëmjes së sotme do të transmetohet në RTSH dhe TV Klan. Ai do të zgjasë 90 minuta, me ndërprerjen prej tri prezantimesh të videove që janë xhiruar në: Shqipëri, Kalabri dhe Kosovë.
U kthye në temën kryesore të këtyre ditëve Koncerti i 2 Janarit në Tiranë, me qeverinë dhe kryeministrin Edi Rama që reklamojnë ardhjen e Filarmonisë së Vjenës, ndërsa opozita, gazetarë, artistë e aktivistë të ndryshëm thonë të kundërtën.
“Shuplaka” mësoi pak ditë më parë se në koncertin e 2 Janarit në Tiranë do të performojnë 31 artistë nga Filarmonia e Vjenës, mes të cilëve edhe 5 shqiptarë: violonisti me famë botërore Shkëlzen Doli dhe 4 shoqërues të tij. Ndërsa do të ketë edhe teknikë.
Ndërkohë, gazetari Artur Cani, përmes një postimi në Facebook, jep detaje duke mbi koncertin duke ironizuar.
“Çu qorollepsët kështu mo me një koncert. Dëgjomeni e mbamëni vesh mua e mo thoni pastaj që s’dëgjuam. Do të vinë mo do të vinë 31 orkestrantë të orkestrës së Vjenës, me ta do te jenë edhe pesë muzikantë shqiptarë”, shkruan gazetari investigativ, duke konfirmuar edhe lajmin e “Shuplaka”. (XH.A/SHUPLAKA)
