Gazetarët e televizioneve shqiptare me të vërtetë që janë përgjumësh. Ose nuk u ka dalë mirë pija nga festimet e Vitit të Ri.
Zëdhënësi i Policisë Genti Mullai, i cili është në krye të detyrës i ka nxjerrë padashje zbuluar, teksa u ka shpjeguar disa gazetarëve që ka takuar sot se ”FLASH”-i që shfaqej në një prej kanaleve informative është lajm i ditës së djeshme.
”Me Genti Mullain, i cili na shpjegon se lajmi i drogës që është me flash tani, është lajmi që na dha dje…”, shkruan gazetarja Luljeta Ndoka, e cila ndodhet në tavolinë me Mullain, gazetaren Greta Malaj dhe gazetarin Geljano Fataj.
Fjala është për kapjen e një gomoneje me 760 kilogramë marijuanë dhe detajet e operacionit për mjetin lundrues që ishte nisur nga Orikumi drejt Italisë. Flashi ka patur të bënte me detajet rreth telefonatës që sinjalizoi policinë.
Duhet thënë të dashur kolegë që lajmet ndodhin edhe kur ne nuk ndodhemi nëpër redaksi… (V.G/SHUPLAKA)
