Ky është Mikael Hasani, 18-vjeçari i dënuar me dy vite burg për vjedhje. Në një intervistë për Vizion Plus, ai ka treguar me detaje se si kryente grabitjet, duke u shfrytëzuar nga disa të rritur, kur ishte vetëm 16-vjeç.
Shuma më e madhe që i dënuari ka arritur të vjedhë në një banesë ka qene rreth 300 mijë lekë, para të cilat u ndanë në mënyrë të barabartë me 3 pjesëtarët e tjerë të grupit.
Për Mikaelin, koha kur kryente vjedhje banesash në kryeqytet i përket të së shkuarës, pasi tani është student në vitin e parë ne fakultetin e Shkencave të Natyrës.
Grabitjet e banesave dhe e dyqaneve ne Tiranë kanë shënuar rritje gjatë vitit 2016.
Sipas policisë, janë vjedhur rreth 500 shtëpi banimi e po kështu 300 biznese private. Piku i grabitjeve shënohet në muajin dhjetor ku regjistrohen pothuajse 4 vjedhje ne ditë. (A.R/SHUPLAKA)
