Autoritetet gjermane kanë vënë në pranga një refugjat sirian që dyshohet se po planifikonte të kryente një sulm terrorist. Ai dyshohet se po mblidhte fonde nga Shteti Islamik që më pas të kryente një sulm me kamionë të mbushur me bomba.
Prokurori i qytetit perëndimor Saarbruecken është shprehur se 38-vjeçari sirian i papunë është paraburgosur më 31 dhjetor pas dyshimeve se po mblidhte deri në 180 mijë euro për të kryer më pas sulmin.
Refugjati, emri i të cilit nuk bëhet i ditur për arsye hetimi, ka pranuar se ka kontakuar ISIS-in, por ka hedhur poshtë dyshimet se planifikonte të kryente sulm. Sipas tij, paratë që po grumbullonte do të përdoreshin për të përkrahur familjen e tij që ndodhet në Siri. (XH.A/SHUPLAKA)
