Vrau 39 persona, identifikohet autori i sulmit në Stamboll (EMRI)

Autori i dyshuar i sulmit të shënuar tri ditë më parë në Stamboll është identifikuar si Iakhe Mashrapov 28 vjeç, nga Kirgistani.

Ai dyshohet se është autori i sulmit të rëndë të shënuar pak pas hyrjes së datës 1 janar në klubin e natës “Reina” në Stamboll, ku mbetën të vrarë 39 persona dhe u plagosën 69 të tjerë.

Autoritetet e sigurisë në Turqi intesifikuan operacionet e kërkimit pas lajmit se terroristi kishte luftuar në Siri në radhët e xhihadistëve të Shtetit Islamik. Sipas hetuesve, i dyshuari ka treguar shenja se ishte i trajnuar mirë në përdorimin e armëve dhe kishte luftuar për ISIS në Siri.

Turqia ndodhet ende në panik për shkak të rrezikshmërisë që terroristi paraqet. Një ditë më parë, mediat e huaja publikuan foton e terroristit që mësohet se hyri në Konya të Turqisë më 20 nëntor. (XH.A/SHUPLAKA)