Aksidenti në Shkodër, ndërron jetë një nga të plagosurit (FOTO)

Një nga të plagosurit ka humbur jetën pas aksidentit që ndodhi sot në afërsi të fshatit Trush në Shkodër.

Mësohet se 19- vjeçari i quajtur Viktor Hili, ka ndërruar jetë në spitalin rajonal të Shkodrës.

Aksidenti në fjalë ka ndodhur këtë mesditë, ku një mjet tip ”BMW” që drejtohej nga 23-vjeçari me iniciale Gj.H, ka dalë nga rruga në aksin Shkodër-Velipojë dhe është përplasur me bordurën anësore.

Si pasojë e aksidentit tragjik, ka mbetur i plagosur drejtuesi i mjetit dhe pasagjerja 23-vjeçare me iniciale K.H, të dy banues në Shkodër. 

Policia bën me dije gjithashtu se drejtuesi i “BMW-së”, pas trajtimit mjekësor do të shoqërohet në komisariat dhe do procedohet me arrest. (D.D/SHUPLAKA)

[ngg_images source=”galleries” container_ids=”539″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]