Shkrimtari i madh Ismail Kadare ka folur për ekstremizmin fetar tek shqiptarët në raport me moralin historik të këtyre të fundit. Në një intervistë të dhënë për kosovaren “Zëri”, Kadare shprehet se nuk beson që të lëkunden themelet e orientimit euroatlantik të shqiptarëve.
Duke folur veçanërisht për Kosovën, ai shpreh besimin se shumica e kosovarëve janë kundër ekstremizmit fetar ndaj kjo dukuri nuk do të ndikojë në zhvendosjen e orientimit të shtetit më të ri europian pro perëndimit.
“Pra harmonia fetare, që shpjegon mosrrëzimin e tij, dhe nuk ka asnjë arsye sot që papritur të ketë një drejtim të kundërt. Unë kam besim se nuk do të ecë kjo mënyrë negative e të trajtuarit të problemin fetar në Kosovë”, është shprehur Kadare.
I pyetur për pozicionimin e Kosovës në raport me bashkësinë ndërkombëtare, ai shprehet se Kosova do të ekzistojë natyrshëm në këtë botë të re të saj brenda Europës. (XH.A/SHUPLAKA)
Discussion about this post