Situata në vend është alarmante për shkak të epidemisë së gripit. Nga 16 mijë personat e evidentuar si të prekur në rang republike, 700 prej tyre janë vetëm në qytetin e Shkodrës.
Të paktën kështu ka deklaruar Drejtoria e Shëndetit Publik të këtij qyteti.
Shefi i Epidemiologjisë Artan Mesi kërkon që gripi të mos neglizhohet për asnjë arsye, pasi mund të rëndohet akoma më shumë.
“Në Shkodër kemi 600-700 raste në javë. Vetëm sot që flasim, kemi 100 raste në një qendër shëndetësore.”, deklaron Mesi.
Sipas tij, qytetarët duhet të tregohen të vëmendshëm dhe në mjediset e mbyllura të evitojnë qëndrimin pranë të tjerëve, sidomos në vendet e papastra.
Sakaq, Mesi sqaron se vaksina e re kundër këtij gripi, në Shkodër do të mbërrijë pas dy ditësh. (D.D/Shuplaka)
Discussion about this post