Zbardhen detajet e atentatit në Vlorë, policia: “Ja çfarë ndodhi sonte në lokal”

Policia e Vlorës ka sqaruar detajet lidhur me ngjarjen e rëndë që ndodhi këtë mbrëmje në qytetin e Vlorës, kur tre persona mbetën të plagosur si pasojë e të shtënave me armë zjarri.

Sipas njoftimit të policisë, ngjarja ka ndodhur për motive të dobëta, por nuk i sqaron ato.

Sakaq shton se tre të plagosurit ndodhen në spital, jashtë rrezikut për jetën.

Njoftimi i plotë:

“Rreth orës 22:05, një person ka qëlluar me armë zjarri në drejtim të një lokali, për motive të dobëta.

Ngjarja ka ndodhur në zonën e ambulancës pranë një lokali, ku për pasojë kanë mbetur të plagosur 3 shtetas (dy prej tyre në këmbë, tjetri në njërin krah) :

1- M.Sh., 20 vjeç, banues në Vlorë.

2- Zh.Sh., 24 vjeç, banues në Vlorë.

3- F.K., 18 vjeç, banues në Vlorë.

Të dëmtuarit ndodhen në Spitalin Rajonal Vlorë, jashtë rrezikut për jetën.

Policia ka identifikuar autorin e dyshuar dhe po punon për kapjen e tij.

Grupi hetimor ndodhet në vendngjarje dhe po punon për sqarimin e rrethanave të ngjarjes.”(D.D/Shuplaka)

[ngg_images source=”galleries” container_ids=”569″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]