Ka pranuar se ka qëlluar me armë zjarri ndaj agresorit palestinez, duke menduar se mund të kishte me vete një rip me eksploziv. Por gjykatësi ka rrëzuar versionin e ushtarit izraelit Elor Azaria, i shpallur fajtor nga Gjykata Ushtarake e Tel Avivit.
Viktima, Abdel Fatah Sharif, u qëllua për vdekje në 24 mars 2016 në Hebron nga Azaria, ndërsa ishte i shtrirë në tokë, i plagosur rëndë edhe nga plumbat e qëlluar nga ushtarët e tjerë. “Goditja finale me armë zjarri ndaj tij ishte e pajustifikuar”, – ka thënë gjykatësja Maya Heller.
Ndërkohë kryeministri Benjamin Netanjahu, është shprehur në favor të faljes së Azarias. “Është një ditë e vështirë dhe e dhimbshme për Elor, familjen e tij, ushtarët izraelitë, prindërit e tyre dhe për qytetarët e vendit tonë”, – ka thënë Netanjahu.
I dënuar për vrasje me dashje, ushtari ishte në proces gjyqësor që prej majit të vitit të shkuar. Procedimi gjyqësor ndaj tij ka shkaktuar jo pak polemika në Izrael. Partisë e djathta i kanë siguruar Azarias të gjithë mbështetjen e tyre, pavarësisht nga dënimi i dhënë ndaj tij nga vetë krerët e forcave të armatosura izraelite.
Ajo ndaj ushtarit 20-vjeçar, ka qenë një nga proceset që kanë përçarë më shumë vendin në historinë e shtetit hebraik. Qindra manifestues të ekstremit të djathtë kanë protestuar në rrugët e Tel Avivit në mbrojtje të rreshterit të ri. Por nga ana tjetër, krerët e forcave të armatosura, kanë nënvizuar se nuk është e pranueshme të shkelen rregullat e ushtrisë duke qëlluar një person të plagosur në tokë, qoftë “edhe kur bëhet fjalën për jetën e një armiku”.
Megjithatë, vendimi i vërtetë do të depozitohet pas një muaji dhe ligji parashikon një dënim maksimal që shkon deri në 20 vjet burg. (E.K/SHUPLAKA)
[ngg_images source=”galleries” container_ids=”571″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post