Braçe replikon me Zogajn: E padrejtë ajo që po bën

Deputeti i Partisë Socialiste, Erjon Brace ka replikuar me analistin Preç Zogaj lidhur me shkrimin e tij të botuar me titull “”Një dyzinë me ndjesëza për të mbuluar një falje të munduar”.

Sipas deputetit të qarkut Fier, Zogaj nuk i pranon ndjesat që Kryeministri Edi Rama rreshtoi natën e vitit të ri. Këtë deputeti i PS-së e cilëson qëndrim me dy standarde pasi Zogaj pak muaj më parë thotë ai, mbështeti faljet që kërkoi kreu i opozitës për gabimet e bëra gjatë qeverisjes së djathtë në tetë vite.

Reagimi i plotë i Braçes:

“FALJET” E BASHES, “NDJESAT” E RAMES DHE PREC ZOGAJ SI GJYKATES I PADREJTE!!

Prec Zogaj-politikan, shkrimtar e poet, kish mbushur nje faqe te madhe sot me “ndjesat e Edi Rames”.
Jane ato ndjesat qe Edi Rama i rreshtoi naten e vitit te ri per nje kategori te gjere njerezish dhe mire beri.
Se kish bere kush me pare. Nen mandat-gjithnje. Kur ikin e bejne te gjithe.

Por Prec Zogaj nuk i pranon ato!

Dy muaj me pare, Prec Zogaj u be cope te na mbushte mendjen se faljet qe kerkon Lulzim Basha-teresisht banale e pa lidhje me krimet e verteta te Sali Berishes dhe te tijat personalisht, ishin te verteta dhe keto e benin ate nje politikan normal. Madje keto perpjekjet e Precit, u kthyen ne nje fushate te tere “maredheniesh me publikun” per te na shitur Lulzim Bashen ndryshe.

Ne fakt Lulzim Basha nuk ka ndryshuar hic; Ai mendon se ka bere mire qe ka vrare ne 21 janar,
qe ka vjedhur ne rrugen e Kombit duke na dhene vepren e Kombit; Nderkohe, vijoi edhe kete vit, ta mbylle vitin jashte vendit e ta hape po jashte vendit, per ta mbyllur serish jashte vendit e per ta hapur po andej.

Tani Prec; Te na shesesh “faljet” e nje vrasesi-por jo per vrasjet, si te verteta dhe, te mos pranosh ndjesat e nje njeriu per punet e kryera apo te pakryera ende, eshte minimumi e padrejte!! E pandershme po e po!!

Në shkrimin e tij, Zogaj ndër të tjera shkruan: “Të kërkosh ndjesë që ke bërë me shumë për tre vjet sesa kanë bërë të tjerët në njëzet vjet është komike, e pasinqertë. Unë nuk them se të gjitha përgjegjësitë dhe fajet për gjendjen i takojnë kësaj qeverie, po të mos ndiejë asnjë, kjo është qesharake. Pse i thotë vetes qeveri atëherë? Kjo e rrëzon në themel, si një hipokrizi, listën e ndjesave. Sepse kur flitet për çështje të pushtetit dhe qeverisjes në veprim, ndjesa është në vetë të parë, është për atë që ti mendon se ke bërë keq, ke bërë gabim apo nuk e ke bërë fare siç e ke premtuar. S’ka ndjesë jashtë vetes tënde”. (A.R/SHUPLAKA)