Reshjet e dendura të borës kanë shkaktuar probleme në Qafën e Plloçës në aksin rrugor Pogradec-Korçë. Sipas asaj që mëson Shuplaka, trashësia e borës në këtë segment rrugor arrin në 10 centimetra .
Problematike shfaqet gjendja edhe në fshatin turistik Dardhë, ku trashësia e borës arrin në 25 centimetra me automjetet që mund të kalojnë vetëm me zinxhirë. E njëjtë paraqitet situata edhe në Qafën e Qarrit, që lidh Korçën me qytetin e Ersekës.
Probleme në qarkullim ka edhe segmenti rrugor Zëmblak-Prespë.
Sipas korrespodenteses së “Shuplaka” në Korçë, po punohet me intensitet të lartë për pastrimin e akseve rrugore me 19 borëpastruese që janë në gatishmëri për të mbajtur të hapura të gjitha akset rrugore në Qarkun juglindor pasi reshjet e borës sa vijnë dhe bëhen më intensive.
Discussion about this post