Ka nisur në Prishtinë protesta për lirimin e liderit koosvar Ramush Haradinaj, i cili gjendet i ndaluar nga autoritetet franceze. Protesta paqësore ka zbritur në shesh mijëra protestues. Pavarësisht kushteve të vështira atmosferike me shtim të rreshjeve të borës, kjo nuk i ka penguar qytetarët kosovarë të dalin në protesta.
Kjo protestë është thirrur nga Aleanca për Ardhmërinë e Kosovës nga ora 13:00 te obelisku i New Born-it për të vazhduar pastaj me marsh paqësor deri te selia e Ambasadës franceze në Prishtinë.
Këtij marshi, përveç simpatizantëve të AAK-së i janë bashkuar edhe ata të “Nismës” dhe “Vetëvendosjes”. Kjo pasi të dy këto parti kanë dalë në mbështetje të protestës. Ende nuk ka konfirmim për pjesëmarje në këtë protest nga Partia e PDK-së apo LDK-së. (E.K/SHUPLAKA)
Discussion about this post