Murinjo e konfirmon: Bastian do të qëndrojë me “djajtë e kuq”

Bastian Shvajnshtaiger nuk do të largohet nga “Old Trafford”.

Trajneri i Mançester Junajtid, Zhose Murinjo, ka konfirmuar për median britanike se mesfushori gjerman do të vazhdojë të qëndrojë me “djajtë e kuq”.

“Shvajni mund të luajë, por mund të jetë edhe në stolin e rezervë, si opsion shtesë. Pavarësisht se për shumë muaj nuk pati mundësi aktivizimi.

Ai do të qëndrojë dhe sigurisht që do ta mbajmë pasi është një opsion dhe për ne. Janari është muaj i mirë pasi ka shumë ndeshje dhe do ti jepet mundësia të luajë”-ka thënë portugezi.

32-vjeçarit i përfundon kontrata pas 18-muajsh me Junajtid, por dëshira e tij është të vazhojë aventurën me klubin anglez pavarësisht se nuk ka shumë hapësira aktivizimi për të.