Presidenti serb, Tomislav Nikolic, ka thënë se Serbia nuk do të heq dorë kurrë nga kërkesa për ekstradimin e Haradinajt, i cili u arrestua gjatë kësaj jave në Francë. Ndërkohë që ai ka deklaruar se javën e ardhshme do të paarqitet zyrtarisht edhe kërkesa për ekstradimin e ish-liderit kosovar të Luftës Çlirimtare të Kosovës.
Në vitin 2004, Serbia kishte lëshuar flet-arrest ndërkombëtar, duke e akuzuar Haradinajn për krime lufte.
Avokati i Haradinajt, Arianit Koci ka thënë dje se tashmë është dërguar kërkesa për lirimin me kusht të Haradinajt. Ai gjithashtu ka thënë se pret nga gjykata në Francë që të merret në konsideratë kjo kërkesë.
Ramush Haradinaj u arrestua të mërkurën nga një flet-arrest i Serbisë, nën dyshimin se gjatë vitit 1998 dhe 99 kishte kryer krime gjatë luftës.
Ai u gjykua nga Tribunali i Hagës për krime të luftës dy herë, mirëpo në të dyja rastet doli i pafajshëm.
Gjykata në Colmar të Francës, vendosi të enjten që Haradinaj të mbetet në paraburgim deri sa Serbia ta paraqet kërkesën e saj zyrtare për ekstradim.
Haradinaj u arrestua edhe një herë në vitin 2015 në aeroportin e Lubjanës, por disa ditë më pas u lirua. (E.K/SHUPLAKA)
Discussion about this post