Real Madrid e ka nisur vrullshëm ndeshjen e parë të La Ligës për 2017-ën.
Djemtë e Zidanës kanë mposhtur me rezultatin e thellë 5-0 skuadrën e Granadas në kuaddër të javës së 17-të në kampionatin spanjoll.
Vendasit shënojnë katër herë në portën kundërshtare në fraksionin e parë të takimit. Isko e nis goleadën që shënon në minutën e 12′ dhe të 31′, për tu plotësuar nga Benzema dhe Ronaldo.
Në fraksionin e dytë të ndeshjes, ka qenë Kasemiro që plotësoi “Manitën” për ta mbylur takimin 5-0.
Me këtë fitore “Los Blankos” vazhdon qëndrimin në krye të klasifikimit më 40 pikë, 6 më shumë se Barcelona që luan nesër ndaj Vijarealit. Ndërsa Granada pozicionohet e 19-ta më 12 pikë.
Discussion about this post