PD mbështet bashkimin e shqiptarëve në Maqedoni: Kjo duhet të jetë strategjia e politikës!

Më në fund pas shumë kohësh, partitë shqiptare në Maqedoni u bashkuan me një synim të përbashkët: Barazinë!

Deklaratën e përbashkët të BDI-së, Lëvizjes Besa, Aleanca për Shqiptarët dhe PDSH-së, e përshëndet edhe Partia Demokratike në Shqipëri.

Në një njoftim për shtyp, PD shprehet se ky është një lajm i mirë dhe inkurajues për avancimin e të drejtave të shqiptarëve në këtë Maqedoni.

Njoftimi:

“Partia Demokratike përshëndet partive shqiptare në Maqedoni. Ky është një lajm i mirë dhe inkurajues për avancimin e të drejtave të shqiptarëve në këtë vend.
Bashkimi dhe bashkërendimi  mbi bazën e parimeve dhe qendrimeve demokratike dhe integruese duhet të përbëjë një orientim strategjik në qasjen faktorit politik shqiptar kudo ndodhet.
Partia Demokratike duke shprehur mbështetjen e plotë për këtë akt përbashkues, garanton se si sot në opozitë edhe nesër në qeverisjen e vendit, do ta shndërrojë  përbashkimin dhe bashkërendimin e faktorit shqiptar në aksin kryesor strategjik të komunikimit dhe punës për realizimin e interesave integruese të shqiptarëve në Ballkan.” (D.D/Shuplaka)