Familja Balili ka reaguar publikimit të videos ku shfaqen djali dhe nipi i Klement Balilit, teksa thyejnë me leva portën e një biznesi në Sarandë.
Në një deklaratë për një media të përditshme, familja Balili sqaron se biznesi për të cilin bëhet fjalë është i marrë me qera prej tyre ndërsa shkallmimi i derës me levë është bërë për shkak se djemtë e rinj nuk kishin çelësat.
“Ai është biznesi ynë, më saktë një biznes i marrë me qera dhe po japim edhe një kopje të kontratës së qerasë. Ne kishim harruar çelësat dhe gjithçka nisi si lojë. Video që qarkullon po përdoret politikisht për shkak të Klement Balilit”, janë shprehur familjarët.
Kështu ata kanë publikuar edhe një kopje të kontratës së qerasë, të nënshkruar në 21 korrik të vitit 2015.
Biznesi në fjalë është klub nate i quajtur “Factory Club”, i cili është ndërtuar mbi një tokë të marrë me qera.
Megjithatë, sipas një dokumenti të “citynews.al”, rezulton se pronari i këtij biznesi është Timoleon Babi.
Më 6 janar të këtij viti, ai ka akuzuar familjen Balili në prokurori se ata i kanë dhunuar biznesin.
Madje, ky portal shkruan se Babi e ka revokuar kontratën e qerasë që në 29 shtator të 2016-ës.
Kjo do të thotë se familjarët e Balilit, nuk kanë të drejtë më të ushtrojnë aktivitetin e tyre në këtë pronë. (D.D/Shuplaka)
[ngg_images source=”galleries” container_ids=”633″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]https://www.youtube.com/watch?v=7CBTaMobVLg#action=share
Discussion about this post