Pavarësisht se ritmi i rritjes së borxhit publik në vend është më i ulët për vitet 2016-2017, borxhi për frymë ka ardhur në rritje të vazhdueshme që prej vitit 2010.
Mësohet se qeveria shqiptare ka marrë në emër të çdo qytetari një borxh prej 382 650 lekësh. Pritet që ky viti të shënojë vlerën më të lartë të këtij treguesi me 382.650 lekë, rreth 56% më shumë së në 2010-ën.
Për shembull, një familje mesatare prej katër personash do të mbartë një borxh prej 1.530,600 lekësh këtë vit, nga 980 604 lekë në 2010-ën. Këto të dhëna janë bërë me dije nga një analizë e detajuar e “Open Data Albania”, ku mësohet se politikat për mbajtjen nën kontroll të borxhit në dy vitet e fundit kanë ndikuar në frenimin e rritjes së shpejtë që po përjetonte stoku i borxhit dhe borxhi për frymë.
Stoku i borxhit shënoi rritjen më të lartë në vitin 2014 me 1049%, në vitin 2016 ky nivel ra në 3.37%, ndërsa në vitin 2017 parashikimet flasin për 2.29% kundrejt vitit të mëparshëm.
“Open Data Albania” ka kryer studime mbi nivelin e parashikuar për borxhin publik për frymë gjatë këtij viti, ku të dhënat janë analizuar në formë krahasimore për periudhën 2010–2017.
Borxhi publik për frymë është një tregues që llogaritet si raport i borxhit total të marrë dhe ende të pashlyer nga shteti shqiptar me popullsinë në një kohë të caktuar. (XH.A/SHUPLAKA)
