Detaje të tjera janë zbardhur nga aksidenti fatal i pak ditëve më parë në Laprakë, ku humbi jetën një person dhe u plagosën tre të tjerë. Viktima u identifikuar si mbesa e Kasem Trebeshinës, Xhenis Trebeshina 28 vjeçe.
Nga hetimet e deritanishme, bazuar dhe në videon ku shafqen pamjet të aksidentit tragjik, viktima shihet të dalë nga xhami i përparëm i makinës së 26-vjeçarit Bixhi, pasi siç dyshohet nuk ishte e fiksuar me rrip sigurimi.
Një ditë më parë, gjykata pranoi kërkesën e Prokurorisë për për mbajtjen në arrest me burg të 26-vjeçarit Ervin Bixhi, deri në përfundim të hetimit. Masa e sigurisë atij iu dha në Spitalin e Traumës ku qëndron i shtruar pas plagëve të marra.
Nga përplasja e fortë e dy mjeteve mbetën të plagosur tre persona, drejtuesi i mjetit, shtetasja Flavia Furriku, 26 vjeçe dhe efektivi i Policisë, shtetasi Gjergji Koliqi. (XH.A/SHUPLAKA)
Discussion about this post