Pas aksidenteve të pafundme në rrugët e Shqipërisë, qeveria vendosi ashpërsimin e Kodin Rrugor. Por mesa duket, vendimi i qeverisë dhe miratimi më pas në Parlament, ka ndikuar edhe te Policia Bashkiake e Tiranës.
Këta të fundit, shpeshherë me të drejtë, por edhe shpeshherë me të padrejtë, bllokojnë makina të cilat parkojnë apo ndalojnë në vende ku nuk lejohet diçka e tillë.
Por rasti që sjellim më poshtë është me të vërtetë i çuditshëm dhe i vështirë për tu shpjeguar: një makinë e bllokuar në një rrugicë të Tiranës ku nuk ka as tabelë ndalim parkimi apo qëndrimi dhe as vijëzime që e ndalojnë një gjë të tillë.
Kujtojmë se, sipas ligjit, pronari i makinës duhet të paguajë 3 mijë lekë të reja gjobë për të hequr bllokuesin nga goma e makinës. (A.R/SHUPLAKA)
