Asnjë vrasje në Dibër gjatë 2016-ës, por hashashi bën “kërdinë”

Strukturat e Drejtorisë Vendore të Policisë së Dibrës kanë kryer një analizë vjetore të punës së kryer gjatë 2016-ës.

Sipas të dhënave, rezulton se gjatë vitit 2016 kemi një ulje prej 25 % të veprave penale krahasuar me vitin 2015.

 “Gjatë vitit 2016, janë evidentuar e referuar në Prokurori, 720 vepra penale, prej të cilave janë zbuluar 616 vepra, me një zbulueshmëri 86%. Gjithsej autorë të proceduar 716, nga të cilët 185 arrestuar, 491  në gjendje të lirë dhe 40 janë shpallur në kërkim.

Gjatë vitit 2015, janë evidentuar e referuar në Prokurori, 949 vepra penale, prej të cilave janë zbuluar 809 vepra, me një zbulueshmëri 85.2%. Gjithsej autorë të proceduar 968, nga të cilët 275 arrestuar, 628  në gjendje të lirë dhe 65 janë shpallur në kërkim.

Nga krahasimi me të njëjtën periudhë të vitit kaluar, shihet një ulje e  numrit të përgjithshëm  të veprave penale me 229 vepra penale me pak, ose 25 % me pak.

Si dhe një rritje e forcës zbulese me 4 % më shumë në vitin 2016 krahasuar me vitin 2015.”, thuhet në njoftimin e policisë.

Mësohet se në këtë qark, gjatë 2016-ës nuk ka patur fare vrasje. Pra, vepra penale e vrasjes është 0.

Mësohet se veprat penale për të cilat janë akuzuar përgjithësisht dibranët janë: prodhim dhe kultivim I lëndëve narkotike, armëmbajtje pa leje dhe dhuna në familje.

Të dhënat zbulojnë se gjatë vitit 2016, , janë evidentuar 20 vepra penale për tregtim të lëndëve narkotike, janë zbuluar  20 prej tyre,  me 24 autorë të proceduar, nga të cilët 16 arrestuar, 6 në gjendje të lirë dhe në kërkim 2. Sakaq, janë sekuestruar 156 kg hashah dhe 10 gr heroinë.

Por, gjate 2016-ës, në këtë qark është rritur numri i personave që e kultivojnë lëndën narkotike.

“Në Qarkun e Dibrës janë identifikuar 47 raste kultivimi, zbuluar 7, me 12 autorë të proceduar, nga të cilët, 4 arrestuar, 4 ne gjëndje te lirë dhe 4 në kërkim.

Gjatë vitit 2015,  janë identifikuar 27 raste të kultivimit të bimëve narkotike, zbuluar 6, ose 27 % e tyre.”, thuhet në raport.

Pra kemi 20 raste më shumë të kultivimit të hashashit, krahasuar me 2015-ën.  (D.D/Shuplaka)