WhatsApp është një nga aplikacionet më të përdorur në botë dhe në Shqipëri. Dhe kjo është arsyeja se pse një pjesë e madhe e mashtrimeve shpërndahen nga ky aplikacion mesazhesh.
Mund të ndodhë që gjatë kohës që përdorni “WhatsApp”-in të vijnë njoftime që ju ftojnë për të shkarkuar të tjera zhvillime si “WhatsApp Gold” apo shërbime premium.
Hileja më e fundit në momentin që kemi hapur këtë aplikacion ka mashtruar më shumë se 260 mijë njerëz.
Mesazhi që qarkullon në disa përdorues të WhatsApp premton të japë informacione rreth kontakteve tona në aplikacion, si për shembull të dish se cilët njerëz të tjerë ka shtuar X person në kontaktet e “WhatsApp”, sikur dikush të shohë se cilët miq ke shtuar në rrjetet sociale si Facebook apo Instagram.
Ky program e bën telefonin tuaj të pambrojtur, kështu që është relativisht e lehtë për të marrë informacione si numra telefonash, ose ajo që është më e keqja, të dhëna bankare.
Deri më tani mashtrimi ka arritur të prekë shumë përdorues brenda përbrenda Brazilit dhe një pjese tjetër të Amerikës së Jugut, por ekziston rreziku që mashtrime të ngjashme të mbërrijnë edhe në Europë e në Shqipëri. (A.R/SHUPLAKA)
Discussion about this post