Studimi/ Shqipëria e treta në botë për emigracion, lemë pas edhe Sirinë

Gjatë 25 viteve të fundit 1,12 milionë shqiptarë kanë emigruar. E thënë ndryshe rreth 28% e popullsisë shqiptare është detyruar, për një arsye apo tjetër, të largohet nga vendi i saj.

Shqipëria rezulton ndër 3 vendet e para në botë me “humbjen” më të madhe të popullsisë nëpërmjet emigracionit. Madje në raport popullsie, Shqipëria ka më shumë humbje të popullsisë sa edhe vetë Siria, e cila është prej disa vitesh ndodhet në luftë.

Vendi i parë në botë që ka numrin më të madh të emigrantëve në raport me popullsinë është Bosnje-Hercegovina.

Këto të dhëna janë publikuar nga agjencia e statistikave “Pew Research Center”, duke përdorur të dhënat e vitit 2015 të Organizatës së Kombeve të Bashkuara.

Ndërkaq, ajo që vlen të theksohet është fakti se ky emigrim kaq i theksuar i popullatës shqiptare krijon një hemorragji të kapitalit njerëz, që është burimi më i rëndësishëm për zhvillimin e një vendi.