Nuk i binden policisë dhe qëllojnë mbi njërin nga efektivët, 3 të rinj në pranga

Kundërshtuan policinë arrestohen tre shtetas në mëngjesin e sotëm në Tiranë.  Ata nuk iu bindën urdhërit për kontroll nga ana e policisë. Të arrestuarit janë Enea Kapo, Skerdi Hyka dhe Brahim Spahiu.

Madje njëri prej tyre e ka agravuar më shumë situatën kur ka gjuajtur mbi njërin nga punonjësit e policisë.

Detajet e policisë:

Më datë 09.01.2017, Shërbimet e Komisariatit të Policisë Nr 1, kanë bërë të mundur arrestimin në flagrancë të shtetasve:

-Enea Kapo, 20 vjeç, banues në Tiranë.

-Skerdi Hyka, 20 vjeç, banues në Tiranë, i dënuar më parë për “Vjedhje”.

-Brahim Spahiu, 20 vjeç, banues në Tiranë.

Arrestimi në flagrancë i këtyre shtetasve u bë pasi më datën 08.01.2017, rreth orës 23:30 në rrugën “Ali Shefqeti” në Shkozë nuk i janë bindur urdhërit për kontroll të punonjësve të policisë kriminale ku më pas kanë goditur njërin prej agjentëve të policisë kriminale gjatë kryerjes së detyrës, shtetasin F. T. Materialet proceduriale i’u kaluan Prokurorisë Pranë Gjykatës së Shkallës së Parë Tiranë për veprën penale “Kundërshtim i punonjësit të policisë së rendit publik”, parashikuar nga Neni 236/2-25 i Kodit Penal. (E.K/SHUPLAKA)