Nëse të gjithë prisnit që me rritjen e temperaturave në ditët në vijim, situata të ndryshonte, nuk do të ndodhë. Drejtori i Përgjitshëm i Emergjencave Civile ka bërë së fundmi me dije vendet ku janë shënuar temperaturat minimale dhe si paraqitet situata në vijim.
Mësohet se temperaturat ekstreme janë shënuar -29 gradë Celsius në Vermosh dhe -27 në fshatin Shtyllë të Librazhdit. Temperaturat kanë shënuar ulje të theksuar edhe Peshkopi e qarkun e Kukësit.
Përtej parashikimeve, temperaturat kanë shënuar ulje edhe në bregdet.
“Temperaturat minimale -29 gradë dhe -27 në Vermosh dhe fshatin Shtyllë të Librazhdit. Temperatura të ulëta janë shënuar edhe në Peshkopi dhe Kukës. Temperatura të ulëta dhe në bregdet, përtej parashikimeve.”, u shpreh ndër të tjera Prençi.
Kreu i Emergjencave Civile shprehet se pavarësisht rritjes së lehtë të temperaturave, reshjet e borës dhe akujt do të vazhdojnë të jenë të pranishëm gjatë gjithë muajit Janar në vendin tonë. (XH.A/SHUPLAKA)
