Ka ende ”Dedë” të ditëve të sotme. Dhe nuk bëhet fjalë për ministra, as drejtues, por për ata punonjësit e thjeshtë, pa fjalë, që shkojnë aty ku i kërkon detyra e rrezikojnë jetën e tyre.
Ky është Ramadan Hallaçi, punonjësi i OST-së që rrezikoi jetën pak ditë më parë ndërsa u ngjit në shtyllë për të riparuar linjën 110 kV në aksin Kalimash-Kukës të dëmtuar nga dëbora e ngricat.
Ramadani punoi gjatë, plot 7 orë në kushte shumë të vështira. E parashikoni dot se sa mund të ketë qenë temperatura? Minus 9!
Por Hallaçi nuk mundi të rezistonte dot më shumë se 7 orë, pas problemeve me hipoterminë në trupin e tij.
Fatmirësisht ndihma e shpejtë bëri të mundur që të shpëtonte. E sigurisht që pas kësaj sakrifice ai meriton më shumë se shtrëngimi i dorës nga ministri Damian Gjiknuri…(V.G/SHUPLAKA)
Discussion about this post