”Kush është miku i Shkëlzenit që mori 7 milionë Euro para zgjedhjeve të 2009-tës?”, HETIMI PËR CEZ-in

Shumica në komisionin hetimor për CEZ pretendon se ka zbuluar emrin e sekserit të qeverisë së Berishës me kompaninë CEZ. 

Sipas kryetarit të komisionit, deputetit socialist Taulant Balla, hetimet kanë zbuluar se shtetasi Nuel (Nue) Kalaj, miku i ngushtë i djalit të ish-kryeministrit, Shklëlzen Berisha, ka marrë nga CEZ transferta bankare mbi 7 milionë euro.

“Këto shuma më pas i ka tërhequr cash më 16 qershor 2009, vetëm pak ditë para zgjedhjeve të vitit 2009”- tha Balla. Sipas Ballës, Komisioni Hetimor për privatizimin e OSSH tek CEZ sot ka administruar prova shumë të rëndësishme lidhur personin Nuel (Nue) Kalaj, “i cili sipas dëshmive të deritanishme ka qene “sekseri” i marteses se qeverise shqiptare te Sali Berishes me kompanine CEZ”.

Balla theksoi se “Komisioni po heton pse CEZ i ka bërë këto transferta tek ky individ dhe ku i ka çuar paratë cash Nue Kalaj, mik i ngushtë i djalit të Sali Berishës, Shkëlzen Berisha”.