Kryetari i Bashkisë së Tiranës, Erion Veliaj, ka njoftuar banorët e zonës së Allias-Bregu i Lumit, të mos shqetësohen lidhur me matësit e ujit të dëmtuar nga i ftohti.
Ai bëri me dije se këta matësa do të zëvendësohen nga ndërmarrja e UKT-së me shpenzimet e saj, me qëllim që banorët të mos harxhojnë nga xhepat e tyre.
“Kam lënë porosi si aksioner kryesor i UKT, që ndërmarrja të përballojë me shpenzimet e saj zëvendësimin e të gjithë sahatëve në qytetin e Tiranës, që asnjë prej banorëve të mos impaktohet në xhepin e vet dhe financat e familjes për kushte të natyrës. Kjo do të jetë diçka që do të kompensohet nga xhirot dhe të ardhurat e ndërmarrjes, çdo qytetar duhet të jetë i qetë për këtë çështje”, u shpreh Erion Veliaj.
I pranishëm në inspektimin e punimeve për rrjetin e ri të ujësjellësit, ai tha se banorët e zonës do të kenë mundësi të furnizohen normalisht me ujë të pijshëm, pasi zona në fjalë nuk ka pasur mbulim apo linjë furnizimi. (XH.A/SHUPLAKA)
Discussion about this post