Oerd Bylykbashi në dalje nga Komisioni i Reformës Zgjedhore u shpreh se palët nuk kanë bërë hapa para në qëndrimet e tyre. Bylykbashi tha se për PD-në numërimi elektronik është shumë i rëndësishëm dhe çelësi i zgjedhjeve me standarde.
”Kjo mbledhje e sotme ishte një rifillim i dy tre mbledhjeve të tjera. Mazhoranca zvarrit të njëjtat gjëra si në tetor. Mbi të gjitha më shumë se një reform zgjedhore duhet të plotësohen standardet. Nuk mund të bëhet një trajtim selektiv i çështjeve.
Duke përsëritur u ra dakord që ekspertët të hartojnë një listë të prioriteteve që duhet të diskutohen. Teknologjia në votim është thelbësore, po mazhoranca bën çmos duke gjetur kohën si justifikim”, u shpreh ndër të tjera Bylykbashi.
Ditë më parë Edi Paloka do të deklaronte se PD duhet të kërkojë shtyrjen e zgjedhjeve në rast se nuk përmbushet kriteri i votimit elektronik. Mirëpo i pyetur nga gazetarët Bylykbashi nuk preferoi të japë një përgjigje për këtë. (E.K/SHUPLAKA)
Discussion about this post