Dy qytetarë kanë denoncuar pranë ish-kryeministrit Sali Berisha, pakënaqësitë dhe ankesat ndaj Qeverisë. Në të dyja rastet flitet për mungesën e rrogës së dhjetorit dhe shpërblimeve të fundvitit.
Në mesazhin e parë, një qytetar ankohet se Policia e Durrësit dhe ajo e plazhit ende nuk kanë marrë rrogën e Dhjetorit dhe as shpërblimet.
Mesazhi i dytë flet për infermierët në Spitalin e Shkodrës të cilëve nuk u është dhënë rroga e 13-tëe as ndonjë shpërblim.
Shkrimi i Sali Berishës:
Qeveri e falimentuar, nuk i ka paguar rrogat policisë, arsimit, shëndetësisë! Lexoni mesazhet e mëposhtme! sb
– “Përshendetje zoti Berisha kam një informacion shumë të sigurtë që Policia e Durrësit dhe e plazhit akoma nuk u janë dhënë rrogat e dhjetorit dhe as shpërblimet e fundvitit. Një miku im më tha që është punonjës i policisë. Ka ndonjë përgjigjije saje qorri për këtë, që del vetë në terren se s’ka gojë t’i thotë njeriut. Flm nëse e poston respekte për juve…”
“Përshendetje zoti kryeministër po të drejtohem me z. kryeminister ngaqë vec ti je për këtë vend dhe qysh se ke ik ti Shqipëria nuk po gjen ma një kryeministër tjetër që ti vijë në ndihmë këtij populli. Unë jam infermier në Spitalin e Shkodrës jo vetem që s’na jepet rroga e 13 as shpërblim por as rrogat nuk na i ka nxjerr kush për këtë vit. Edi Rama dhe Ilir Kecapi kujtojnë se i gjithë populli ka pasuri sa ata që s’ju bie në mend për me marrë rrogë. Të uroj shëndet dhe jetë sa ma të gjatë.”
(XH.A/SHUPLAKA)
Discussion about this post