Shqiptari qëllon marokenët për një celular, policia italiane e shpall në kërkim

Një sherr masiv ka ndodhur në Itali mbrëmjen e kaluar,  vëtëm për një celular.

Ngjarja shokuese ka ndodhur në një lokal në Sheshin Gramsci,  ku një shqiptar dhe dy afrikano-veriorë u konfliktuan keqazi me njëri-tjetrin.

Mediat italiane shkruajnë se shqiptari kishte hyrë në në gjendje të dehur lokal dhe  kishte nisur të akuzonte dy afrikanët nga Maroku se i kishin marrë telefonin.

Mësohet se pas debatit, shqiptari rendi drejt makinës së tij të merrte pistoletën dhe më pas hapi zjarr ndaj marokenëve.

Pas kësaj, shqiptari u largua menjëherë nga vendngjarja me veturën e tij.

Sipas mediave italiane, dy marokenët, njëri 30 e tjetri 35 vjeç, u dërguan me plagë të rënda në spitalin e Empolit.

Ndërsa shqiptari është shpallur në kërkim nga policia e cila vazhdon hetimet. (D.D/Shuplaka)