Presidenti filipinas kërcënon kryebashkiakët e korruptuar: Hiqni dorë ose do ju vras!

Presidenti kontrovers i Filipineve Rodrigo Duterte, nuk pushon së bëri deklarata shokuese.

Së fundmi, ai ka paralajmëruar kryetarët e bashkive të vendit të tij që mund të fshihen pas tregtisë së drogës, që të heqin dorë nga posti i tyre ose në të kundërt do të vriten.

Lideri 71-vjeçar tha një ditë më parë në një ceremoni me 200 të ftuar, se kryebashkiakët e korruptuar do të kenë të njëjtin fat me përdoruesit e drogës.

Kujtojmë këtu se gjatë muajve të fundit të 2016-ës, janë ekzekutuar rreth 6o00 përdorues droge në Filipine.

“U bëj thirrje të gjithë kryetarëve të bashkisë, do t’ju mbyll të gjithëve në një dhomë. Dhe do ju tregoj një listë. Do ju kërkoj të gjeni nëse emri juaj ndodhet në atë listë. Nëse emri jot ndodhet aty more bir k****, do të të vras,” tha në fjalimin e tij Duterte.

Më pas ai shtoi: “Ndoshta hyj në histori si kasap, por nuk ka problem”. (D.D/Shuplaka)